Өнөөдрөөс эхлэн ерөнхий боловсролын сургуулийн 1 дүгээр улиралын амралт эхлэж байгаа тул эцэг эхчүүд та бүхэн хүүхэддээ тавих хараа хяналтаа сайжруулах, бага насны хүүхдийг харгалзах хүнгүйгээр замын хөдөлгөөнд оролцуулахгүй байхыг ЗЦГ-аас зөвлөлөө.
Өчигдөр л гэхэд зам тээврийн осолд сургуулийн насны 2 хүүхэд өртсөн байна. 2016 оны 11 дүгээр сарын 02-ны өдөр буюу өчигдөр Замын цагдаагийн албаны ЖШУХ дээр нийт 382 дуудлага, мэдээ мэдээлэл хүлээн авснаас, зам тээврийн ослын 298 дуудлага бүртгэгдсэн байна.
Үүнээс гэмт хэргийн шинжтэй гомдол мэдээлэл 13 мөн 13 хүн хүнд хөнгөн гэмтсэн. Согтууруулах ундааны зүйл хэрэглэсэн үедээ зам тээврийн осолд холбогдсон жолооч 1, явган зорчигч 6 байв. Зам тээврийн осолд сургуулийн насны 2 хүүхэд өртсөн байна. Согтуугаар тээврийн хэрэгсэл жолоодсон нийт 42 жолоочийг илрүүлж гарч болзошгүй осол хэргээс урьдчилан сэргийлж ажиллажээ.
ЗАМЫН ЦАГДААГИЙН ГАЗАР
