Гэмт хэрэгтэй тэмцэх, урьдчилан сэргийлэх ажлыг эрчимжүүлэх, алба хаагчдын мэдлэг, албаны ур чадварыг дээшлүүлэх зорилгоор ЦЕГ-аас алба хаагчдын дунд сургалт зохион байгуулжээ. Уг сургалтад 6 дүүргийн 14 хэлтсийн 358 алба хаагчид хамрагдсан хэмээн ЦЕГ-аас мэдээлж байна. 2016 оны 11 дүгээр сарын 3-4 өдрүүдэд сургалт зохион байгуулсан сургалтад :
· Гэмт хэрэг, зөрчлийн талаарх гомдол, мэдээллийг хүлээн авах, хойшлуулшгүй ажиллагаа
· Эргүүлийн үүрэг гүйцэтгэхэд анхаарах асуудал
· Эрэн сурвалжлах, зарлан мэдээлэх ажиллагааг сайжруулах
· Гэмт хэрэг, түүнийг үйлдсэн этгээд, алдагдсан эд зүйлийг эрж олоход ач холбогдол бүхий мэдээллийг цуглуулах
· Гэмт хэрэг зөрчлөөс урьдчилан сэргийлэх ажлыг хариуцсан нутаг дэвсгэртээ зохион байгуулах, иргэд аж ахуй нэгж байгууллагатай хамтран ажиллах сэдвийн хүрээнд явагдсан байна.
Х.ТЭМҮҮЖИННАМСРАЙ
