Өвөрхангай аймгийн Сант сумын 4-р багт оршин суух 37 настай эрэгтэй М жолоочтой “Toyota Marino” автомашин техникийн саатлын улмаас гал гарч, шатаж, улмаар жалга уруу онхолдсон хэрэг гарчээ.
Зорчигч Өвөрхангай аймаг Арвайхээр сумын харьят 41 настай эрэгтэй Д, Баянгол сумын харьяат 37 настай эрэгтэй Б нар нас барсан байна. ЗЦА энэхүү мэдээллийг өчигдөр авч шалгаж эхэлжээ. Автомашины бүрэн бүтэн байдлыг ямагт шалгаж, өөрийн болон бусдын амь нас, эрүүл мэндийг хариуцаж яваагаа ухамсарлан, замын хөдөлгөөнд анхаарал болгоомжтой оролцож байхыг ЗЦА-аас нийт жолооч, явган зорчигчдод анхааруулж байна.
О.НАНСАЛМАА
