Сүүлийн өдрүүдэд цас дараалан орж, 13 см, зарим газраа 26 см зузаан цасан бүрхүүл тогтсон. Замын халтиргаа, гулгааг арилгахад 695 тонн давс, 438 тонн бодис зарцуулж, 189 тонн давс, 597 тонн давсны үлдэгдэлтэй болжээ. Зам талбайн 609 үйлчлэгч, 39 машин өдөр бүр тогмтол ажиллаж байгаа бөгөөд цэргийн албан хаагчид оролцож байгаа юм.
Нийслэлийн Засаг даргын захирамжийн дагуу оюутнууд, ажилгүй иргэдэд тодорхой хэмжээний талбайг хуваарилж, түүнд нь тохирсон ажлын хөлсийг нь өгч цагийн ажил эрхлэх боломж олгох замаар дайчилж ажиллуулах боллоо.
Мөн Ерөнхий боловсролын сургуулийн сурагчдыг нийтийг хамарсан цас, мөсний цэвэрлэгээнд дайчилж болохгүй, энэ талаар зохион байгуулж байгаа ажлаа одооноос зогсоохыг үүрэг болгожээ.
Ц.ХИШГЭЭ
