.JPG)
Сүхбаатарын талбайн сүлд модны гэрэл асаах ёслол өнөөдөр 18:00 цагаас болно. Жанжин Сүхбаатарын талбайн гацуурыг энэ арванхоёрдугаар сарын 15-ны өдрөөс засч эхлэсэн бөгөөд хуучин гацуураа сэргээн засч байгаа юм байна.
Энэ жилийн гацуур нь 21 метр өндөртэй юм. Гацуурыг төмөр арматураар угсарсан бөгөөд 600 ширхэг хиймэл ногоон гацуур зүүсэн байна. Мөн гацуурыг тойрон 800 ширхэг буюу 8000 метр урттай шар лед гэрлээр гоёжээ. Харин энэ жил Төв талбайн гацуур маань шар, цагаан өнгөөр гэрэлтэн асах нь ээ. Энэ жилийн төв талбайн гацуурыг гэрэлтүүлэг чимэглэлийн компанийн 20 ажилчин засч, чимэглэсэн байна.
“Хотын гэрэлтүүлэг” компанийн захирал А.Цогтсайхан “Манай компани 50 гаруй жилийн түүхтэй. Энэ хугацаанд Сүхбаатарын талбайн гацуур модыг засч ирсэн. Жил бүр шинэлэг гацуур засахыг эрмэлзэж байдаг. Түрүүчийн жилүүдийнхээс энэ жилийн засч байгаа гацуур мод 1 метрийн өндөр болсон байгаа. Мөн гэрлэн чимэглэлийн хувьд хөгжмийн аяар өнгө нь хувирах юм. Өмнө нь 10 гаруй хоног засдаг байсан бол энэ жил 4-5 хоногт амжуулахаар ажиллаж байна” гэлээ.
Б.БАТБААТАР
