.JPG)
2016 оны 12 дугаар сарын 17, 18-ны амралтын өдрүүдэд Замын цагдаагийн албаны ЖШУХ дээр нийт 622 дуудлага, мэдээ мэдээлэл хүлээн авснаас, зам тээврийн ослын 503 дуудлага бүртгэгдсэн байна. Үүнээс гэмт хэргийн шинжтэй гомдол мэдээлэл 8 бүртгэгдэж, 8 хүн хүнд хөнгөн гэмтжээ.
Согтууруулах ундааны зүйл хэрэглэсэн үедээ зам тээврийн осолд холбогдсон жолооч 4, явган зорчигч 1 өртсөн бол, зам тээврийн осолд 2 хүүхэд өртсөн харамсалтай тоо байна. Согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 101 жолоочийг илрүүлж гарч болзошгүй осол хэргээс урьдчилан сэргийлж ажиллажээ.
СХД-ийн нутаг Баянхошууны зам, Хилчин хотхоны хойд замд H.Porter маркийн авто машины жолооч Э нь Subary Impreza маркийн машинтай мөргөлдөж жолооч Э гэмтсэн. Subary Impreza маркийн жолооч тухайн үед согтууруулах ундааны зүйл хэрэглэсэн тогтоогдсон байна. Мөн БЗД-ийн нутаг Дарь эхийн замд T.Prius маркийн авто машины жолооч О нь явган зорчигч настай эмэгтэй Н-г мөргөж гэмтээсэн. Иймээс замын хөдөлгөөнд оролцож байгаа жолооч нар согтууруулах ундааны зүйл хэрэглэсэн бол тээврийн хэрэгсэл жолоодохгүй байхыг анхааруулъя.
ЗАМЫН ЦАГДААГИЙН ГАЗАР
