Өчигдөр Оросын Гадаад хэргийн яамны хэвлэл мэдээллийн албанаас террорист этгээдүүд дараалан хоёр удаа Дамаск дахь Оросоос Сирид суугаа элчин сайдын яам руу их буугаар буудсан талаар мэдээллээ. Азаар хүний амь үрэгдэж, шархадсангүй гэж мэдэгдлээ.
Уг мэдээлэлд, Москвагийн цагаар өдрийн 13 цаг болон 13 цаг 19 минутад их буугаар галлажээ. Их бууны сум элчин сайдын яамны хашаанд туссан боловч дэлбэрээгүй, тэсрэх бодис арилгагч нар дараа нь аюулыг зайлууллаад байна.
Оросын гадаад хэргийн яам тэмдэглэхдээ, Оросоос Сирид суугаа элчин сайдын яам болон дипломат ажилтнууд Дамаскийн дүүрэг дэх зарим бүлгийн заналхийлэлд өртөж байгаа аж. Тус элчин сайдын яам 10-р сард мөн л дайралтад өртөж байсан юм.
Ц.ХИШГЭЭ