Хэвлийн хөндийндээ 18 жил мэс заслын багажтайгаа явсан өвчтөнд хагалгаа хийж, багажийг нь авсан тухай BBC агентлаг мэдээллээ.
Энэ явдал Вьетнамд болжээ. Ультра дууны төхөөрөмжөөр шинжилгээ хийх үед Вьетнам иргэн Ма Ван Нхатын гэдэс ходоод дотор мэс багаж байгааг илрүүлжээ. Ма Ван 18 жилийн өмнө автын осолд орж, хагалгаа хийлгэж байсныг, тэр үед мэс заслын хайчаа дотор нь хийгээд оёчихсоныг ийнхүү илрүүлжээ.
1998 онд осолд орсон Магийн биенээс 15 см-ийн урттай хайчыг 18 жилийн дараа эмч нар салгалаа. Сонирхолтой нь, тэр төмөр хайч өвчтөний биед ямар нэгэн зовиур, тээг болж байгаагүй гэнэ. Хагалгаа гурван цаг үргэлжилсэн байна. Ма Вангийн бие сайн гэж BBC мэдээллээ.
Ц.ХИШГЭЭ