Нийслэлд бүртгэлтэй бүх төрлийн авто тээврийн хэрэгсэлийн албан татвар, төлбөр хураах ажлыг 1-р сарын 9-нөөс тавдугаар сарын 31-ныг хүртэл зохион байгуулахаар болоод байна.
НИТХ-ын Тэргүүлэгчдийн тогтоолоор баталсан “Нийслэлд авто тээврийн хэрэгслийн бүртгэл, төлбөрийн тогтолцоог шинэчлэн нэвтрүүлэх журам”-ын дагуу авто тээврийн болон өөрөө явагч хэрэгслийн албан татварыг улсын дугаарын сүүлийн орноос хамаарч нэгээс тавдугаар сарын хооронд хураана.
Улсын дугаар 1, 6-аар төгссөн бол нэгдүгээр сард, 2, 7-оор төгссөн бол хоёрдугаар сард татвар төлөх юм. Харин 3, 8-аар төгссөн бол гуравдугаар сард, 4, 9-өөр төгссөн бол дөрөвдүгээр сард, 5 болон 0-ээр төгссөн бол тавдугаар сард татвар төлнө.
Нийслэлийн есөн дүүргийн авто тээврийн оношлогооны төвүүд Даваа-Баасан гарагт 08.30-17.30 цагийн хороонд ажиллаж, тээврийн хэрэгслийг үзлэг, оношлогоонд оруулж, татвар хурааж байна. Иргэд идэвхтэй оролцож татвараа цаг хугацаанд нь төлөөрэй.
Нийслэлд авто тээврийн хэрэгслийн бүртгэл, төлбөрийн тогтолцоог шинэчлэн нэвтрүүлэх журам”-ын дагуу авто тээврийн хэрэгслийн албан татвар, төлбөрийг улсын дугаарын сүүлийн тооноос хамаарч тухайн сардаа амжиж төлөөрэй.
А.ЦЭРЭНДУЛАМ
