Орон нутагт зорчих үедээ автомашины осолд өртөн амиа алдах тохиолдол ихэсч байна. Ослын шалтгаан нөхцөлийг харвал дийлэнх нь хурд хэтрүүлснээс, мөргөлдсөн, онхолдсон, явган зорчигч дайрсан хэлбэрээр үйлдэгдсэн байна. Мөн согтуугаар жолоо барьж явснаас болж осол гаргах тохиолдол их байна. Тухайлбал өчигдөр буюу 16-17-ний өдрүүдэд 4 хүн амиа насаа алджээ. Тэд бүгд орон нутгаас төв орох замд осолд өртсөн байгаа юм. Түүнчлэн замын эвдрэлтэй холбоотойгоор нэлээдгүй осол гардаг ба үүнтэй холбогдуулан ЦЕГ-ын Замын хөдөлгөөний аюулгүй байдлын хэлтсээс орон нутгийн чиглэлийн хатуу хучилттай замуудад судалгаа хийж, эвдрэл гэмтлийг нь тогтоон Зам тээврийн яаманд хүргүүлсэн байна. Дээрх хэргийг цагдаагийн байгууллага үргэлжлүүлэн шалгаж байна.
Э.ҮҮЛЭНЦЭЦЭГ
