“Улаанбаатар зам засвар, арчлалтын газар” ОНӨААТҮГ-ын Үйлдвэрлэлийн алба нь энэ сарын 1-ний өдрөөс лист төмөр, цацруулагч хуулга ашиглан 18 см урт, 8 см өргөнтэй цацруулагч үйлдвэрлэж, 3080 ширхэгийг нийслэлийн гол гудамж замуудын хайсанд суурилуулаад байна. Үүнд Чингэлтэй дүүрэг “Бөмбөгөр” худалдааны төвийн баруун талын замын хайсанд 158 ширхэг, Сүхбаатар дүүрэг 32-н тойргоос 17 чиглэлийн замын хайсанд 265 ширхэг, Баянзүрх дүүрэг Зүүн дөрвөн замаас Бөхийн өргөө хүртэл 545 ширхэг, Бөхийн өргөөнөөс Багшийн дээд хүртэл 442 ширхэг, Энхтайваны өргөн чөлөө 25 дугаар эмийн сангаас Саппоро хүртэл 968 ширхэг, Чингисийн өргөн чөлөө Төв номын сангаас Хан-Уул дүүргийн 19-н автобусны буудал хүртэл 702 ширхэгийг тус тус суурилуулжээ. Цаашид Энхтайваны өргөн чөлөө болон нийслэлийн гол гудамж замуудад байрлах явган зорчигч болон эгнээ тусгаарлах бүх хайсанд байршуулах төлөвлөгөөтэй ажиллаж байна.
Эх сурвалж : “Улаанбаатар зам засвар, арчлалтын газар” ОНӨААТҮГ