Нийслэлийн мэргэжлийн хяналтын газрын Дэд бүтцийн хяналтын хэлтсээс автомашины тос, тосолгооны материал худалддаг газруудад хийсэн шалгалтын дүнгээ өнөөдөр танилцууллаа. Тэд 34 аж ахуйн нэгжид шалгалт хийсэн байна. Ддүүргээс зөвшөөрөл авалгүй үйл ажиллагаа явуулдаг, зөвшөөрөлтэй ч хуурамч бүтээгдэхүүн худалдаж байсан зөрчлүүд илэрчээ. Энэ шалгалтаар тосолгооны бүтээгдэхүүн худалддаг гурван газар, нэг угаалгын газар, дугуй засварын долоон газар, авто засварын 11 газрыг нүүлгэн шилжүүлэх дүгнэлтийн гаргаж, дүүргийн ЗДТГ-т хүлээлгэн өгчээ.
Иргэд урин дулаан болж, улирал солигдож буй энэ үед тос, тосолгооны материалын зориулалтын цэгээс худалдан авахыг зөвлөлөө. Манай улсад ОХУ, БНСУ, Япон, БНХАУ, Герман, Австрали зэрэг улс орноос импортолсон тос, тосолгооны материалуудыг худалдаж байна. Тээврийн хэрэгслийн хөдөлгүүрийн болон хурдны хайрцагт зориулагдсан тоснуудыг зориулагдсан агуулах, худалдааны төв, автозасварын газрууд, ШТС-ын дэргэдэх худалдааны цэгүүд, зам дагуух ТҮЦ-үүдээс тос, тосолгооны материал худалдаж авахдаа юуг анхаарах талаар зөвлөгөө өглөө.
ЭХ СУРВАЛЖ:НМХГ
