Теслагийн өрсөлдөгч Rivian шинэ пикап автомашиныхаа туулах чадварыг туршсанаа нийтэд үзүүлэв

2020-07-07  

Сүүлийн жилүүдэд цахилгаан хөдөлгүүрт автомашины зах зээлд өрсөлдөөн нэмэгдэж байна. Ялангуяа Америкийн компаниуд пикап төрлийн туулах чадвар өндөртэй автомашин зохион бүтээхээр хоорондоо ширүүн өрсөлдөж байгаа юм.

Өнгөрсөн оны сүүлээр энэ салбарт тэргүүлэгч Тесла компани Cybertruck хэмээх өвөрмөц хийц, хэлбэртэй пикапыг нийтэд танилцуулсан нь томоохон алхам болж байв.

Тэгвэл түүнтэй өрсөлдөхөөр шаргуу ажиллаж байгаа Rivian компани энэ долоо хоногт R1T пикап загварынхаа туршилтын дүрс бичлэгийг олон нийтэд үзүүлжээ.

Тус компани шинэ загварынхаа туулах чадварыг Аризоны цөлд шалгасан байна. Энэ бичлэгээс R1T пикап хэрхэн элсэрхэг хөрстэй замыг туулж байгаа, хад чулуун дундуур, уулын налуу хэсэгт хэрхэн хүч алдалгүй явж байгааг харж болно.

Rivian компани бүрэн цахилгаан хөдөлгүүртэй энэ загвараа 2020 оны сүүлээр худалдаанд гаргах төлөвлөгөөтэй байсан ч коронавирусийн цар тахлын улмаас 2021 онд гаргахаар хойшлуулаад байгаа юм.

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ТА ШИНЭ ЗАСГИЙН ГАЗРЫН БҮРЭЛДЭХҮҮНД СЭТГЭЛ ХАНГАЛУУН БАЙНА УУ?