ТА ЛАМ БИШ УЧИР ҮҮНИЙГ МЭДЭХ УЧИРГҮЙ

2021-01-22  

Нэгэн эр машин жолоодоод явж байв, гэтэл түүний машин яг нэг сүмийн хажуугаар явж байхад нь эвдэрч ээ. Мань эр нөгөө сүм дээр явж очоод хаалгыг нь тогшоод онгойлгоход нь "миний машин эвдэрчихлээ, би энэ шөнийг танайд хоноод өнгөрөөчихөж болох болов уу?" гэж асуув. Лам нар ч түүнийг найрсагаар хүлээж аваад, түүнд оройн хоол хийж өгөөд, бүр машиныг нь хүртэл засаад өгчихлөө.

Шөнө нь мань эр унтах гэж хичээн хэвтэж байтал түүнд нэгэн хачин дуу чимээ сонсогдов. Дараа өглөө нь залуу маань лам нараас тэр юун чимээ байсан тухай асуусан болов ч лам нар түүнд: "Бид чамд хэлж болохгүй. Чи лам биш." гэж хариулав. Залуу жоохон бухимдсан ч гэсэн лам нарт талархалаа илэрхийлээд яваад өгөв.

Хэдэн жилийн дараа яг нөгөө залуугийн машин яг нөгөө сүмийн гадаа эвдрэв. Лам нар түүнийг дахин уриалгахан угтаж аваад, түүнийг хооллоод, машиныг нь ч дахиад засаад өглөө. Тэр шөнө нь залуу маань дахиад л нөгөө хэдэн жилийн өмнө сонссон хачин дуу чимээг сонслоо. Өглөө нь босоод юун чимээ байсан тухай асуусан болов ч лам нар: "Бид чамд хэлж болохгүй. Чи лам биш." гэж дахин хариулав. Манай эр хариуд нь: "За за, ойлголоо. Би яадаг ч байсан мэдмээр байна. Тэр чимээ юу байсан болохыг олж мэдэх цорын ганц зам нь би өөрөө лам болох юм бол, би лам болохын тулд яах ёстой вэ?" гэж асуув.

Лам нар хариуд нь: "Чи дэлхий ертөнцөөр аялаж, бидэнд хэдэн ширхэг өвс байгааг болон элсэн ширхэгний тоог алдалгүй хэлэх ёстой. Чи бидэнд тэр тоог алдалгүй хэлсэн цагт л жинхэнэ лам болно." гэжээ.

Залуу зорилгоо биелүүлхээр аян замд гарч, 4-5 жилийн дараа тэр эргэн ирж сүмийн хаалгыг тогшив. Тэр лам нарт: "Би дэлхийг тойрон аялаад та нарын ол гэснийг чинь оллоо. Энэ дэлхийд 145,236,284,232 ширхэг өвс болон 231,281,219,999,129,238 элсэн ширхэг байна" гэлээ.

Лам нар түүнд баяр хүргэж - "Одоо чи лам боллоо. Бид одоо чамд тэр дуу чимээд хүрэх замыг үзүүлнэ" гээд залууг нэг модон хаалга дээр дагуулан очив. Хаалга дээр очоод хамгийн настай лам түүнд - "Чиний хайсан зүйл энэ хаалганы цаана байгаа" гэв. Залуу хаалганы бариулыг эргүүлсэн болов ч хаалга нь цоожтой байлаа.

Залуу - "Хөгжилтэй байлаа. Би түлхүүрийг нь авч болох уу?" гэж асуухад нь лам нар түүнд түлхүүрийг нь өгөв. Залуу хаалгыг онгойлгосон болов ч цаана нь чулуун хаалга байв. Залуу түлхүүр өгөхийг шаардахад нь лам нар түүнд түлхүүрийг нь өгөв. Залуу хаалгыг ойгойлгов ч цаана нь бадмаарган хаалга байлаа. Залуу түлхүүр нэхэхэд нь лам нар түүнд түлхүүр өглөө. Хаалганы цаана дахиад нэг хаалга байна, тэр хаалга нь индранил чулуун хаалга байв. Ингэж үргэлжилсээр мань залуу маргад, алт, мөнгө, молор хаалгануудын цаана гарав.

Эцэст нь нэг лам - "Энэ бол сүүлчийн хаалганы сүүлчийн түлхүүр" гэж хэлээд түлхүүр өгөв. Мань залуугийн ч сэтгэл нь амарлаа. Тэр хаалганы цоожыг нээгээд, бариулыг нь эргүүлээд онгойлгоод хаалганы цаанаас гарч байсан хачирхалтай дуу чимээ хаанаас гарч байгаад олж мэдээд гайхширалд орж.......... гэхдээ уншигч авхай та бидэнд юу харснаа хэлсэнгүй. Учир нь та бид лам биш ...

Энэ чимээ юун дуу чимээ байсан бол? Та таамаглал дэвшүүлнэ үү?
 
 
 
 
Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
БОКСЫН ХОЛБОО МУГТ Э.ЦЭНДБААТАРЫГ ШИГШЭЭ БАГААС ХӨӨХ НЬ ЗӨВ ҮҮ?