Ш.БОЛДОД БАЙГАЛЬ ОРЧНЫ ГАВЬЯАТ АЖИЛТАН ЦОЛ ХҮРТЭЭВ

2021-11-18  

Монгол Улсын Ерөнхийлөгч У.Хүрэлсүх зарлиг гарган нэр бүхий хүмүүсийг төрийн дээд цол, одонгоор шагналаа.

Байгаль орчны бие даасан тогтолцоо бүрдүүлэх, ардчилал, зах зээлийн харилцааны нийгэмд тус салбарт мөрдөгдөх хууль, тогтоомжуудыг анхлан боловсруулж батлуулан, ойн санг нэмэгдүүлэх ажлыг үр дүнтэй зохион байгуулах, ойн аж ахуйн заавар, зөвлөмж боловсруулах, салбарын залуу мэргэжилтэн, боловсон хүчин бэлтгэн сургах үйлсэд оруулсан хувь нэмрийг нь үнэлж Шагдаржавын Болдод Байгаль орчны гавьяат ажилтан цол хүртээв.

Хөдөлмөрийн гавьяаны улаан тугийн одонгоор:

  • Монгол, Солонгосын хамтарсан “Ногоон хэрэм” төслийн зөвлөх, доктор Цагаан-Өвгөний Даваасүрэн;

  • “Хурхнаг жибур” ХХК-ийн инженер Балжирын Мөнхбаяр;

  • ШУА-ийн Газарзүй, геоэкологийн хүрээлэнгийн эрдэм шинжилгээний тэргүүлэх ажилтан Ахмадийн Хауленбек нарыг;

Алтан гадас одонгоор:

  • “Биогеоэко” ХХК-ийн зөвлөх инженер Дүдлийн Пүрэвдаш;

  • Ботаникийн цэцэрлэгт хүрээлэнгийн эрдэм шинжилгээний ажилтан Зандраабалын Цогт нарыг шагналаа.

Төрийн дээд цол, одонг Монгол Улсын Ерөнхийлөгчийн Тамгын газрын дарга Я.Содбаатар, Байгаль орчин, аялал жуулчлалын сайд Н.Уртнасан нар гардуулж баяр хүргэж, амжилт хүсэв.

 

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
КОЙН ХУДАЛДАЖ АВАХ НЬ ЗӨВ ҮҮ?