Тайландын нийслэл Бангкок хотноо өнгөрсөн баасан гарагт галт зэвсгийн дээрмийн хэрэг гарчээ. Тухайн хэргийг Монгол залуу зохион байгуулсан байж болзошгүй гэж цагдаа нар сэжиглэж байгаа талаар “Bangkok post” сонины сайтад бичсэн байна. Тодруулбал, таван залуу дэлгүүрээс галт зэвсэг дээрэмдэн, ямар нэгэн зүйлд ашиглах гэж байсан хэмээн цагдаа нар ярьсан бөгөөд тэднийг хүчээр буулган авчээ. Таван залуугийн гурав нь маш хүнд шархтай Бангкокийн эмнэлэгт хүргэгдэж, нэг нь газар дээрээ амиа алдсан байна. Албаны эх сурвалжаас авсан мэдээллээр гол зохион байгуулсан гэгдэж буй нэг залуу олдоогүй байгаа ажээ. Тэрбээр Тайландад олон жил болж байгаа бөгөөд Монгол, Тайландын хооронд ирэн очин явдаг гэжээ. Тус улсад сүүлийн 60 жилд галт зэвсгийн дэлгүүрт халдсан хэрэг гараагүй байна.
А.ТҮВШИН