ҮЕРЭЭС БОЛЖ НИЙТ 164 ХҮН АМЬ ҮРЭГДЭЭД БАЙНА

2018-08-17  

Энэтхэг улсын Керала мужид олон хоног үргэлжлэн орсон борооны улмаас үер бууж 164 хүн амь үрэгдэж, 223 мянган хүн орон гэргүй болсон талаар BBC агентлаг мэдээллээ.

Амь үрэгдсэн хүмүүсийн ихэнх нь хөрсний нуралтаас болж нас барсан болохыг тогтоосон байна.

“Нас барсан иргэдийн тоо өсч магадгүй. Борооны улирлаас болж бид нар Кералагийн түүхэнд болж байгаагүй гамшгийн гэрчүүд болж байна” хэмээн мужийн захирагч Пинарави Вижаяан мэдэгджээ. Онц байдал зарлаж цэрэг, цагдаа болон аврах ажилтнууд ард иргэдийг аюулгүй газарт нүүлгэн шилжүүлж байгаа боловч хүчрэхгүй байх тохиолдол гарч байгаа аж. Энэтхэг улсын ерөнхий сайд Нарендра Моди туслалцаа үзүүлэх болно гэдгээ Керала мужийн захирагч Пинарави Вижаяанд мэдэгдсэн байна. Мөн Керала мужтай ойролцоо орших мужуудын захиргаанууд туслах болсноо мэдэгджээ.

Түүнчлэн наймдугаар сарын 26-н хүртэл нисэх онгоцны буудлын үйл ажиллагааг зогсоожээ.

 

 

Б.ХУЛАН

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
УИХ-ЫГ ТАРААХ НЬ ЗӨВ ҮҮ ?