Төр, засгийн албан тушаалтнууд гадагшаа томилолтоор явахдаа зөвхөн Аэрофлотоор зорчих шинэ журмыг баталлаа. Билет нь дууссан, Аэрофлотийн нислэггүй чиглэл гэсэн хоёрхон тохиолдолд гаднын нислэгийн компанийн үйлчилгээг авч болно гэж журамд заасан байна. Энэ журмыг зөрчөөд гадны компанийн онгоцоор үйлчлүүлсэн тохиолдолд, нислэгийн төлбөрийг нь хувиас гаргуулах юм байна. Үүнийг Оросын эдийн засаг муудсантай холбож ойлгож болохгүй. Учир нь АНУ-д гэсэн ийм журмыг мөрддөг. Солонгос, Япон гээд олон оронд энэ журам нэвтэрсэн. Монголд ч гэсэн ийм журам гарсан санагдана. Харин хэрэгжилтэд хяналт тавьсан сураг одоо ч гараагүй. Тэгэхээр манайхан журам гаргаад мартсан байх талтай.
Ц.ХИШГЭЭ
