Европын орнууд хилээ хааснаас хойш дүрвэгсдийн байдал улам хэцүүдлээ. Нялх нойтон хүүхэдтэй, ядарч туйлдсан өндөр настан, эмэгтэйчүүд голдуу дүрвэгсэд Македони, Грекийн завсар хавчуулагдлаа. Сар хоногоор, хааш ч үгүй гацсан дүрвэгсэд, Грек-Македонийг холбосон төмөр замыг хааж, бага балчир хүүхдүүдээ төмөр зам дээр хэвтүүлж эсэргүүцлээ илэрхийллээ. "Хилээ нээ", "Би бол хүүхэд. Мэдэх зүйлээр бага. Гэхдээ л бөмбөрцгийн нөгөө ертөнцөд төрсөн нэгэндээ хүндэтгэлгүй хандана гэдэг бол АРЬС ӨНГӨНИЙ ГАДУУРХАЛ" гэж бичсэн бичгийг тэд энгэртээ зүүсэн байжээ. 12000 цагаачид цугларсан тэр хуаранд Германы гадаад хэргийн сайд асан, эдүгээ 80 настай Норберт Блюм зочилж, "Дэнлүү хүнлэг биш байна. Ийм харгислал европийнхний ёс зүйд үл нийцнэ" гэж хэлээд, цагаачдын нэг майхныг нь дэлбэлсэн байна. Тэр ийнхүү эсэргүүцлээ илэрхийлж, Европчуудыг хүнлэг, энэрэнгүй байхыг уриаллаа.
Ц.ДОРЖГОТОВ
