Туркийн Анкара хотод өнгөрсөн ням гарагт болсон халдлагын үеэр амиа алдагсдыг тогтоох ажил үргэлжилж байна. Хамгийн сүүлийн мэдээгээр дэлбэрэлтэд 37 амь үрэгдэж 120 хүн шархаджээ. Эмнэлэгт хүргэгдсэн шархдагсдын 19-ийнх нь биеийн байдал хүнд байгааг албаны эх сурвалж мэдээлжээ. Амь үрэгдэгсдийн дотор халдлага үйлдэгч эрэгтэй, эмэгтэй хоёр хүн байсан гэж үзэж байгаа юм. Амиа золиослогчдын нэг нь “Куркистаны ажилчин нам”-ын гишүүн байх магадлалтай байгаа юм байна. Халдлага үйлдэхдээ ашигласан BMW нь өнгөрсөн 11 дүгээр сард Шаньпурфа мужаас алдагдсан машин байжээ.
Хэргийг илрүүлэхэд хүндрэл учирна гэж үзсэний улмаас тус улсын эрх баригчид уг хэргийг хэвлэл мэдээллээр мэдээлэхийг хориглосон төдийгүй олон нийтийн сүлжээг түр хаагаад байгаа юм.
Х.ЭГШИГЛЭН