Африк тивээс гаралтай насанд хүрээгүй охидыг хүний наймаачид европ, тэр дундаа Италид ажил оруулна нэрээр хуурч авчран , биеийг нь үнэлүүлж , худалдаалах явдал газар авсныг НҮБ-ын хүн амын хөгжлийн хөтөлбөрийнхэн зогсоохыг шаардлаа. Тэдгээр хүний наймаачид Италид хөл тавьсан насанд хүрээгүй, учраа олохгүй тэдгээр охидуудаас замын зардал, байр хоол, хувцас, холбогдох бусад зардлын мөнгөө төл гэж дарамтлан, улмаар биеийг нь хүчээр үнэлүүлдэгийг хүчний байгууллагынхан олж тогтоожээ.
Тэднийг газрын дундад тэнгисээр хөлөг онгоцонд олноор ачин, хулгайн тээврээр авчирдаг байна. 1800 орчим дүрвэгсэд далайн шуурганд өртөж амиа алдсан гэдэг тоо баримтыг холбогдох байгууллага гаргасан байна.
Д.ГАНТУЛГА