Хариуцсан ажилдаа эзэн бол. Олон улсын допингийн эсрэг хороотой хамтын ажиллагаагаа сайжруул. Мэдээлэл солилцоогоо сайжруул. Хэнэггүй байдлаа зогсоо. Авсан мэдээллээ шат шатандаа хүргэ. Зөв мэдээллээр холбогдох байгууллагаа цаг алдалгүй хангаж сур. Буруугаа өөрсдөөсөө хайцгаа. Зөвхөн Оросын тамирчид биш, орон орны 60 гаруй тамирчид допингод хамрагдсан. Бүү улстөржүүл. Путин допингтой холбоотой үүсээд байдгаа асуудалтай холбогдуулан Оросын спортын эрүүл мэнд хариуцсан удирдах бүрэлдэхүүнийг дуудаад ингэж зэмлэсэн байна. Мельдония нь тамирчны нэмэгдэл ачаалал авахад нөлөөлдөг юм байна. Оросын шигшээ төдийгүй, хуучин Оросын холбооны улсад багтаж байсан улс орны шигшээ баг өргөнөөр эм бүтээгдэхүүнийг ашигладаг байжээ. Хэлсээр, мэдээлсээр, анхааруулсаар байтал, санаатай юм шиг ийм байдалд хүргэчихээд, түүнийгээ хүлээн зөвшөөрөхгүй, алдаагаа ухамсарлахгүй байгаад Путин эмзэглэж, "Хоосон улиглахаа зогсоо, ажилдаа орцгоо" гэж спортын эрүүл мэнд хариуцсан албатуулаа зэмлэлээ.
Э.ЦЭНД
