Арабын Эмират улсаас Оросын Ростов хотыг зорьж байсан А боинг 737-800 зорчигчийн онгоц Москвагийн цагаар бямба гарагийн 03:45-д осолдлоо. 62 зорчигч бүгд амиа алдсан байна. Одоогоор ослыг тогтоохоор ажлын хэсэг гарсан. Хар хайрцаг гэмтээгүй. Техникийн доголдол, нисэгчдийн алдаа, цаг агаарын нөлөө аль аль нь онгоцыг осолд хүргэсэн гэх анхны мэдээллийг өгөөд байна.
Тодруулсан мэдээгээр, нисэх онгоцонд 62 хүн явсны 55 нь зорчигч, тэдний дотор 4 хүүхэд байсан бол нисэх багийн гишүүн 7 хүн байсан аж. Нисэх багийн гишүүд янз бүрийн орны иргэд байсны дотор ОХУ-ын нэг иргэн байжээ. "FlyDubai" компанийн мэдээлснээр, зорчигчдын 44 нь ОХУ-ын иргэн, 8 нь Украины, 2 нь Энэтхэгийн, 1 нь Узбекстаны иргэн байв.
Ц. ЦЭБЭ
