БНАСАУ-ын эрх баригчид дахин АНУ, Өмнөд Солонгосын цэргийн сургуулилтын хариуг барина гэдгээ зарлалаа. Энэхүү мэдээлэл БНАСАУ-ын Солонгосын энх тайван нэгдлийн төлөөх хорооноос гаргасан мэдэгдэлд дурьдагдсан байна. Уг мэдэгдэлд "АНУ, Өмнөд Солонгосын дэмжигчдийг устгах хариу арга хэмжээ бол дайн" гэсэн бөгөөд манай хувьсгалт цэрэг хариу цохилт өгөхөд бэлэн гэжээ. Мөн БНАСАУ-ын Энх тайван нэгдлийн төлөөлөх хорооноос АНУ болон Өмнөд Солонгосыг "бодлогогүй цэргийн өдөөн хатгалга" хийж байна гэж үзсэн бөгөөд Пхеньяны тэвчээр алдрахад бэлэн болоод байгаа тухай дурьджээ. Хойд Солонгосын тал ийм айлган сүрдүүлэлт хийсээр байгаа ч Өмнөд Солонгос-АНУ-ын томоохон хэмжээний Foal Eagle хэмээх 4 өдрийн томоохон сургуулилтаа эхлээд байгаа юм. Цэргийн сургуулилт Шар болон Япон тэнгист болж байгаа ба АНУ-ын цөмийн нисэх онгоц тээвэрлэгч зэрэг 50 орчим хөлөг онгоц, усан доогуур шумбагч оролцож байна.
Х. АЯЛГУУ