Монголчууд өвлийн улирлын оргил хүйтний үеийг ес есөн өдрөөр тоолон есөн есийн 81 хоног болоход хавар ирж, урин дулаан боллоо гэж үздэг. Харин есийг 12-р сарын 22-ноос эхлэн тоолж эхэлдэг бөгөөд маргааш ийнхүү ес эхлэх гэж байна. Манай ард түмэн ес эхэлсэн өдөр ямар байгаагаас тухайн өвлийг өнгийг ч шинждэг уламжлалтай.
Тэгвэл ес эхлэхийн өмнөх буюу ойрын өдрүүдэд ихэнх нутгаар -10 -20 хэмийн хүйтэн байгаа нь өмнөх жилүүдийнхээс харьцангуй дулаан байна. Мөн хур тундас ч ихэнх нутгаар олон жилийн дунджаас бага орсныг мэргэжлийнхэн онцолж байгаа юм.
С.ШҮРЭНЧИМЭГ