Н.ЦЭРЭНБАТ : ХАРИУЦЛАГАТАЙ УУЛ УУРХАЙ, ҮНДЭСНИЙ ПАРКИЙН САЙН ТУРШЛАГЫГ АВСТРАЛИАС НУТАГШУУЛАХ ХҮСЭЛТЭЙ БАЙНА

2018-01-05  

БОАЖ-ын сайд Н.Цэрэнбат Австрали улсаас Монгол Улсад суугаа Элчин сайд Жон Лангтриг хүлээн авч уулзан, санал солилцлоо. Уулзалтын эхэнд Н.Цэрэнбат сайд жишиг уул уурхайн загвар болсон Австрали улстай нягт хамтарч ажиллах хүсэлтэй байгаагаа илэрхийлээд Элчин сайд Жон Лангтриг дэмжиж ажиллана гэдэгт итгэлтэй байгаагаа уламжилсан юм. Тэрбээр “Хариуцлагатай уул уурхайг хөгжүүлэхэд Австрали улсын туршлага Монгол Улсад хэрэгтэй. Уул уурхайн хариуцлагагүй үйл ажиллагаанаас болж сүйдсэн талбайн тооллогыг манай яамны зүгээс хийж дуусч байгаа. Сүйдсэн газар нутгийг нөхөн сэргээх технологийг Австрали улс амжилттай нутагшуулсан туршлагаасаа бидэнтэй хуваалцана гэдэгт итгэлтэй байна. Үүний тулд бид УУХҮЯ-тай нягт хамтран ажиллах болно. Мөн аялал жуулчлалын салбарт ч Австрали улсын туршлагыг судалж, үндэсний паркуудаа хөгжүүлсэн, тусгай хамгаалалттай газруудаа хамгаалах жишгийг нэвтрүүлэх хүсэлтэй байна. Үүнээс гадна хот суурин газруудад ногоон байгууламжийг олон улсын стандартад нийцүүлэн байгуулсан танай орны туршлага ч бидэнд хэрэгтэй. Монгол Улсын Засгийн газрын гишүүний хувьд бүрэн эрхийнхээ хүрээнд Австарли улстай хамтарч ажиллах бүхий л бололцоог нэмэгдүүлэх тал дээр анхаарч ажиллана” хэмээсэн юм.

Харин Элчин сайд Жон Лангтри Монгол Улсын Засгийн газартай хамтарч ажиллахад ямагт бэлэн байгаагаа илэрхийлээд хариуцлагатай уул уурхай, аялал жуулчлалыг хөгжүүлэх болон үндэсний паркийн жишгийг нэвтрүүлэхэд БОАЖЯ онцгой чухал үүрэгтэйг тэмдэглэлээ.

 

 

БОАЖЯам

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ТҮГЖРЭЛИЙГ СААРУУЛАХ ЗОРИЛГООР АВТОМАШИНЫ ДУГААРЫН ХЯЗГААРЛАЛТАД ИРЭХ САРЫН 15-НААС АРАВДУГААР САРЫН 1-НИЙГ ХҮРТЭЛ ӨӨРЧЛӨЛТ ОРУУЛНА. ТА АЛЬ ХУВИЛБАРЫГ ДЭМЖИХ ВЭ?