Улстөрчдийг хулгайч, хулгайч бишээр нь ангилан ялгадаг эрлэгийн элч бидний дундаас тодров. Хар-цагааны дэнсийг атгасан түүний жагсаалтад хэн нэгэн өртвөөс тамд унаж галд шатах эс бөгөөс диваажинд очиж мөнхөд жаргах нигууртай аж. Тэр энэхүү ангилан ялгалтаа хэрвээ амжилтгүй болвол ард түмнийг зэвсэгтэй, зэвсэггүйгээр нь хуваахыг хүсч байх шиг. Эрлэгийн элч мэт энэ аяглалыг сонгуулиас сонирхолтой аргаар мөнгө олох гэсэн бизнес биш гэдэгт хэн итгэх юм? Хар, цагаан хэмээх жагсаалтад багтах эс багтахын тулд эрлэгийн элчид ямар нэгэн өргөл барьц өгөх хэрэгтэй болох уу?
Х. АЯЛГУУ