Энэ амралтын өдрүүдэд ОХУ-ын Цаг уурын ажиглалтын түүхэнд тэмдэглэгдэхээр их хэмжээний цас орсон байна. Хур тунадасны хэмжээ 14 мм-т хүрсэн байна. Өмнө нь 1957 онд 11.2 мм хур тунадас орж байсан'' гэж Интерфакс агентлаг мэдээллээ.
Москва хотод орж буй цасан шуурга даваа гаригт намжих төлөвтэй байна байгаа талаар албаныхан мэдээллээ. Түүнчлэн хүчтэй цасан шуурганы улмаас Москва хотын нисэх онгоцны буудлууд нислэгээ цуцалж эхэлсэн байна. Тодруулбал, Домодедово нисэх онгоцны буудал 10 нислэгээ түр хугацаагаар саатуулж, 15 нислэгээ цуцалжээ. Харин Шереметьево нисэх онгоцны буудал 54 нислэгээ, Внуково нисэх онгоцны буудал зургаан нислэгээ тус тус түр хугацаагаар саатуулаад байна. Мөн Оросын онцгой байдлын албанаас цасан шуурга, хальтаргаа гулгаа ихтэй байгаа тул ард иргэдээ аль болох гадуур гарахгүй байх, сонор, сэрэмжтэй байхыг анхааруулжээ.
Н.ОДГИЙВ
