Чех улс гаднаас ажиллах хүч авах асуудалд нээлттэй хандсаар байна. Тус улс Монгол Улсад 1000 ажлын байрны квот гаргаж өгөөд байсан бол Филиппинд мөн 1000 ажлын байрны квот өгсөн байна. Чех улсын ерөнхий сайд Андрей Бабиш нь өнгөрсөн долоо хоногт Прага дахь Филиппиний Элчин сайдын яаманд болсон арга хэмжээнд оролцож, Элчин сайд Жед Даяантай уулзах үеэрээ энэ талаар мэдэгджээ. Мөн Украин улсаас хөдөө аж ахуйн салбартаа 10 000 ажилчин авах болсон тухай мэдээллийг албан ёсны цахим хуудсандаа тавьсан байна.
Чех улсад дундаж цалингийн хэмжээ 2017 онд 29346 крон болж өнгөрсөн жилийнхээс 2 000 кроноор нэмэгдсэн. Энэ нь 1455 ам.доллар, 3.5 сая төгрөгтэй тэнцэж байгаа юм.
