Хятадын дарга Си Зиньпины Чехэд хийх албан ёсны айлчлал өнөөдөр эхэлж байна. Айлчлалын бэлтгэл ажлын хүрээнд Чех, Хятадын төрийн далбааг нисэх онгоцны буудлаас Засгийн газрын ордон хүртэл байрлуулжээ. Гэтэл нэг шөнийн дотор төв гудамжаар өлгөсөн Хятадын төрийн далбаа руу хар өнгийн будаг цацсан хэрэг гарч, Чехийн албаныхныг сандаргажээ. Тус хэрэгт 1-2 хүн хамааралтай гэж албаныхан үзэж байгаа аж. Одоогоор замын хяналтын камерыг шалгаж эхлээд байгаа бөгөөд харлуулсан бүх далбааг шинэчилсэн байна.
А.САЯН