Энэ сарын 3-4-нд “Монголын зөгийн аж ахуйн кластер” бизнес сургалт, уулзалт болох юм байна. Уулзалтаар зөгийн балны худалдаа болж, зөгийн аж ахуй эрхлэх сонирхолтой иргэдэд мэдээлэл өгч, ажлын байранд зуучлах юм.
Түүнчлэн цэвэр зөгийн балыг хэрхэн таних аргыг тайлбарлан, өвөлжин хадгалсан сархиатай зөгийн бал задалж үзүүлнэ.
Манай улсад жилд 180-200 тонн зөгийн бал үйлдвэрлэдэг ч 270-300 тонн зөгийн бал экспортолдог байна.
Мөн шингэрүүлсэн, сироп хэлбэрийн 3000 тонн шингэн зөгийн бал хэлбэрээр хилээр орж ирдэг байна.
Тиймээс цэвэр зөгийн балыг таниж, мэддэг байх нь чухал гэдгийг энэ салбарт ажиллаж байгаа мэргэжилтнүүд онцолж байна.
Мэдээж үүний зэрэгцээ монголынхоо зөгийн балыг үнэ цэнэтэй болгох, экспортыг нэмэгдүүлэхэд гарал үүслийг тодорхой болгох, лабораторийн шинжилгээнд хамруулах шаардлагатай байгаа юм байгаа бөгөөд энэ бүх асуудлыг “Монголын зөгийн аж ахуйн кластер” уулзалтаар ярилцах юм байна.
С.ШҮРЭНЧИМЭГ
