Сингапурын хэсэг эрдэмтэд элэгний хорт хавдрыг лабораторийн нөхцөлд ургуулж чадсан байна. Үүний зорилго нь ийм төрлийн өвчнийг анагаах үр дүн сайтай эмийг гарган авахад чиглэж байгаа юм.
Судалгааны багийн удирдагч Элиза Фон ярихдаа “элэгний хорт хавдрыг эмчлэх аргыг туршихад одоо долоо хоногийн хугацаа эсвэл түүнээс арай их хугацаа орохоор байна. Эмийг хүмүүс дээр туршихад олон сарын хугацаа шаарддаг” гэжээ.
Түүний хэлснээр, хүний бие организмтай ижил орчин нөхцлийг бий болгох нь эрдэмтдийн хувьд гол асуудлуудын нэг байсан байна. Учир нь, өөр орчинд хорт хавдрын эсүүд мутацид орж магадгүй юм. Эрдэмтэд хавдрын эсийг лабораторийн нөхцөлд амьд байлгаж, тэдгээрийг генийн өөрчлөлтөд оруулж чаджээ.
Төслийн удирдагч профессор Гэнри Юй-гийн хэлснээр, энэхүү нээлт нь элэгний хорт хавдрыг анагаах үр дүнтэй эмийг гарган авах боломжийг олгох юм.
Н.ОДГИЙВ
