Завхан аймгийн 14 сумын малчдад өвс тэжээлийн буцалтгүй тусламжийг олгож эхэллээ. Тус үйл ажиллагааг Швейцарын хөгжлийн агентлаг, Ногоон алт төслөөс хэрэгжүүлж байгаа бөгөөд өвс тэжээлийг малчдын гарт хүргэх ажлыг Мерси Кор ОУБ гүйцэтгэж байна.
Завхан аймгийн хойд бүсийн сумдад өвөлжилт хүндхэн байсан. Хэдийгээр цас ихтэй хатуу өвлийг давсан ч салхи шуурга хавсарга ихтэй хаврын урт өдрүүд үргэлжилж мал, малчдыг сульдуулж байгаа ийм үед цагаа олсон тус арга хэмжээг АНУ-ын ард түмний дэмжлэгээр Мерси Кор байгууллага хариуцаж 165 тонн өвс тэжээлийг олгоод байна.
Аймгийн хэмжээнд 3-р сарын 24-ны байдлаар 67,5 мянган мал хорогдсон статистик мэдээлэл гарсан байна. Энэхүү тусламж нь хаваржилт хүндэрч өвс тэжээлийн нөөц дуусаж байгаа 9 сумын 3434 малчинд хүрч эхлээд байгаа аж.
Завхан аймгаас А. ГАНБАТ