Хүүхэд харах үйлчилгээг ирэх оноос зогсооно гэж байсан ч 5-р сар хүртэл ажиллуулахаар болсон. Гэхдээ шинээр хүүхэд харах үйлчилгээ явуулах зөвшөөрөл олгох эсэх нь тодорхойгүй байна.
Дорнод аймгийн хэмжээнд 23 хүүхэд харах үйлчилгээнд 104 хүүхэд хамрагдаад байна. Нийтдээ 77 сая 750 мянган төгрөгийн санхүүжилт хийгджээ. Хүүхэд харах үйлчилгээний хэрэгжих хугацаа дууссантай холбогдуулан шинэ оноос хүүхэд харах үйлчилгээг зогсооно гэж байсан ч 2017 оны 5-р дугаар сар хүртэл сунгаад байгаа юм. Тиймээс одоо үйл ажиллагаа явуулж байгаа хүүхэд харах үйлчилгээний газруудад санхүүжилт нь хэвээр олгогдох юм. Харин шинээр хүүхэд харах үйлчилгээний газар байгуулах зөвшөөрөл олгох эсэх нь одоогоор тодорхой болоогүй байна.
Дорнод аймгийн хэмжээнд цэцэрлэгт хамрагдаж чадаагүй 1300-аад хүүхэд байгаагийн 0,7 хувь нь хүүхэд харах үйлчилгээнд хамрагдсан байна. Өнгөрсөн удаа явагдсан шалгалтаар Дорнод аймагт хүүхэд харах үйлчилгээ ажиллуулж байгаа газруудад бичиг баримтын болон хүүхдийн тоо хэтрүүлсэн, мөн хүүхэд хамгааллын бодлого байхгүй зэрэг зөрчлүүд илэрчээ.
А.ИЧИНХОРЛОО
