.JPG)
Хууль бус алт олборлол, хулгайгаар мод бэлтгэж тээвэрлэх, хулгайн ан хийх, ус, хөрс зэрэг хүрээлэн буй орчныг бохирдуулах... зэргийг байгаль орчны журмын эсрэг гэмт хэрэг гэж ойлгож болно.
АНУ болон Европт бүртгэгдсэн байгаль орчны нэг гэмт хэргийн цаана 3-10 гэмт хэрэг нуугдмал байдгийг тогтоосон байдаг. Өөрөөр хэлбэл, байгаль орчны гэмт хэрэг цаасан дээр бүртгэгдэж, шүүхээр шийдвэрлэгдсэн нь амьдрал дээр үйлдэгдсэнээсээ маш цөөхөн байдаг гэсэн үг.
Тэгвэл манай улсад ч ялгаагүй байгаль орчны гэмт хэрэг, зөрчил бүртгэгддэггүй, шийдвэрлэгддэгүй болохыг тогтоожээ.
“Хөвсгөл далайн эзэд хөдөлгөөн” ТББ уул уурхайн үйл ажиллагаа хамгийн идэвхитэй явагддаг Төв аймгийн Заамар сумын Хайлааст баг болон ХУД-ийн 13-р хороо буюу Био комбинат орчимд байгаль орчны гэмт хэрэг зөрчил хэр их гардаг, энэ төрийн гэмт хэрэг зөрчилтэй цагдаагийн байгууллага хэрхэн тэмцдэг талаар судалгаа явуулжээ.
Судалгааны үр дүнд:
БАЙГАЛЬ ХАМГААЛАХ ЖУРМЫН ЭСРЭГ ГЭМТ ХЭРЭГ МАШ ИХ ГАРДАГ Ч БҮРТГЭГДСЭН НИЙТ ГЭМТ ХЭРГИЙН ЕРДӨӨ 0,2%-ИЙГ ЭЗЭЛЖ БАЙНА
2017 онд улсын хэмжээнд 200133 гомдол мэдээлэл цагдаагийн байгууллагад ирснээс 314 буюу ердөө 0,2%-ийг байгаль орчны журмын эсрэг гэмт хэрэг, зөрчил эзэлжээ.
Гэхдээ энэ нь байгаль орчны журмын эсрэг гэмт, хэрэг, зөрчил бага гарч байгаа хэрэг биш цагдаагийн байгууллага бүртгэж авдаггүй, иргэд ч мэдээлдэггүйтэй холбоотойг судалгааны багийнхан баталж байгаа юм.
Тухайлбал, Судалгаа хийсэн Заамар суманд байгаль орчны гэмт хэрэг:
2011он - 4 гэмт хэрэг
2013 он – 1 гэмт хэрэг
2014 он – 3 гэмт хэрэг
2015 он – 1 гэмт хэрэг
2016 он – 5 гэмт хэрэг
2017 он 5 сар – 1 гэмт хэрэг бүртгэгджээ. Эндээс 6 хэргийг огт хэрэгсэхгүй болгож, 4 хэрэгт яллах дүгнэлт үйлдэж, 4 хэрэгт торгууль ноогдуулсан төдий өнгөрүүлжээ.
Жишээлбэл, 2016 онд 197 иргэнд 985,000 төгрөг, 2017 оны эхний хагаст 47 иргэнд 235,000 төгрөгийн торгууль ноогдуулаад өнгөрчээ.
Гэвч,
Судалгаа хийсэн Төрийн бус байгууллагынхан судалгаа хийх 6 хугацаандаа байгаль орчны 32 гэмт хэрэг, зөрчлийг цагдаад мэдүүлж, шийдвэрлүүлэхийг хүссэн ч ердөө нэг л хэргийг бүртгэж, бусдыг нь бүртгэж авахаас татгалзсан байна. Нэг үгээр, энэ төрлийн гэм хэрэг асар их гардаг ч цагдаагийн байгууллага өөрөөсөө зайлуулдаг, бүртгэж авахаас татгалздаг гэдэг нь энд дахин батлагдаж байгаа юм.
Тиймээс манай улсад
байгааг судалгаа явуулсан мэргэжлийн байгууллагынхан зөвлөж байна.
С.ШҮРЭНЧИМЭГ
