Дорноговь аймаг гадаад харилцаа, аялал жуулчлалыг хөгжүүлэх чиглэлээр томоохон хөрөнгө оруулалт оруулж бусад аймгуудаа манлайлан амжилттай ажилласныг төрөөс өндрөөр үнэлж тэргүүлэгч аймгаар шалгаруулжээ.
Тус аймаг Япон, БНХАУ, Турк, БНСУ зэрэг орнуудтай хамтын ажиллагааг өргөжүүлснээс гадна аялал жуулчлалд онцгой анхаарал хандуулсан. Мөн аялал жуулчлалыг хөгжүүлэх чиглэлээр аймгийн ИТХ-аас хөтөлбөр баталж Хамарын хийд-Энергийн төвийн орчимд аялал жуулчлалын цогцолбор байгуулахаар ерөнхий төлөвлөгөө батлан гаргаж, орон нутгаас хөрөнгө гарган дэд бүтцийн ажлуудыг хийсний дүнд Дорноговийг зорих гадаад дотоодын жуулчдын тоо 100 мянга хүрчээ.
Эх сурвалж : Montsame.mn