ХУУЛЬ БУС ТЕХНИКЖСЭН НИНЖА НАРЫГ ГАЗАР ДЭЭР НЬ БАРИЛАА

2018-05-28  

ШУУРХАЙ: Хууль бус техникжсэн нинжа нарыг  газар дээр нь БАРИЛАА Arslan.mn

Сүүлийн жилүүдэд хууль бусаар техникжсэн нинжа нар байгаль дэлхийг сүйтгэн, хууль бусаар ашигт малтмал олборлох, усны ундаргыг бохирдуулах, мод бэлтгэх зэрэг гэмт хэрэг, зөрчлүүд ихээр гарах болсон. Энэ хууль бус үйлдлийг тухайн орон нутгийн засаг захиргааны нэгж, аймаг, сумын засаг дарга, удирдлагууд дорвитой арга хэмжээ аваагүйн улмаас улам газар авсаар байна. Зарим хууль бус олборлолт нь бүр тухайн сумын засаг дарга нарын бизнес болж хүртэл хөгжсөн мэдээлэл цахим орчинд их явах болсон.

Тэгвэл хүрээлэн  буй орчны эсрэг гэмт хэргийн хор уршгийг  иргэд, олон нийтэд таниулан,  иргэдийн эрх зүйн мэдлэгийг дээшлүүлэхэд чиглэсэн “Байгалиа хамгаалъя” нэгдсэн арга хэмжээ улсын хэмжээнд зохион байгуулагдаж байгаа аж. Энэ ажлын хүрээнд Мөрдөн байцаах албаны Хүрээлэн буй орчны эсрэг гэмт хэрэг мөрдөн шалгах хэлтсийн алба хаагч нар хууль бус техникжсэн нинжа нарыг газар дээр нь барьж, хууль бус үйл ажиллагааг нь ИЛРҮҮЛЭН шалгаж  байгааг газар дээрээс нь сурвалжилсан талаар мэдээлэл өчигдөр орой цацагдлаа.  Мэдээллийн эх сурвалжаар шалгалт хийхэд техникүүдээ ойд нуугаад өөрсдөө зугтсан дүр зургууд байсан гэлээ. Шалгалтын багийнхны хэлж буйгаар "Дрон нисгэх үеэр нэг экскаватор ажиллаж байснаа биднийг харангууд байхгүй болчихлоо. Тэр экскаватор замыг эвдээд дээшээ ойгоор зугтаж яваад шалгалтынханд баригдсан. Шалгалт явж байна гэх мэдээлэл маш их хурдацтай тархаж байна. Энэ мэдээллийг хоорондоо дамжуулан бүгд үйл ажиллагаагаа зогсоож байна. Түүнчлэн Тарганы ам гэдэг үзэсгэлэнтэй газрыг зүгээр там болгожээ. Там гэж хэлэхэд ч хэцүү байна.  Цаашаагаа хичнээн км үргэлжилснийг бүү мэд. Тиймээс хууль хяналтын байгууллагаас эрчимжүүлсэн шалгалтуудыг тасралтгүй хийж байна. Цаашид ч хийх болно" гэлээ.

Эдгээр хууль бусаар зөрчил гаргасан бүлэг этгээдүүдийг цагдаагийн байгууллага мөрдөн шалгаж байна. Тус аяны хүрээнд иргэдээс ирсэн мэдээллийн дагуу цаг алдалгүй шуурхай хяналт шалгалтуудыг мэргэжлийн байгууллагуудын зүгээс хийж байгаа юм байна. 

Мөн Сэлэнгэ, Хүдэр, Ерөө, Бугант, Дархан уул аймгийн Шарын гол, Хонгор, Могойт, Харгана зэрэг газруудад шалгалт хийсэн бөгөөд хууль бусаар их хэмжээний модыг сүйтгэж, тайрсан мөн уул уурхайн олборлолт хийсэн зэрэг зөрчлүүдийг илрүүлэн шалгах ажиллагаа хийгдэж байгаа аж.

Эх орон газар дэлхийгээ хайрладаг хүн бүр  хүрээлэн буй орчны эсрэг  гарч болзошгүй үйлдлийг ТАСЛАН ЗОГСООХ үйл ажиллагаанд НЭГДЭХИЙГ мэргэжлийн байгууллагуудын зүгээс уриалж байна.

Дашрамд дурдахад Монгол орны нийт нутаг дэвсгэрийн 13.4% хувьд нь 2018 оны 3 сарын байдлаар 3615 лиценз олгогдож уул уурхайн үйл ажиллагааны улмаас 27063 га талбай эвдэгдсэн гэсэн тоо мэдээлэл байдаг.

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
1:1 2018-05-29
Төстэй мэдээ
Шинэ мэдээ
Санал асуулга