Монгол Улсын Их Хурлын дарга Зандаахүүгийн Энхболд Орхон аймагт ажиллаж байна. УИХ-ын даргыг очих үед Эрдэнэтчүүд “Олуулаа ядуусын эгнээнд шилжлээ. Хэний гавьяа вэ?, 1 ам.доллар 2019 төгрөгтэй тэнцлээ. Сайн үр дүн үү?” гэх мэт уриа лоозон барьж, багахан хэмжээний эсэргүүцлийн жагсаал өрнүүлжээ.
УИХ-ын дарга Эрдэнэтийн иргэд хөдөлмөрчидтэй уулзсан. Энэ үеэр иргэд “Эрдэнэт үйлдвэр” ХХК-ийн Ерөнхий захирал Ц.Даваацэрэнгээс
–Үйлдвэрийн зарим захиралд байр авч өгсөн тухай мэдээлэл цахим ертөнцөд байна. Энэ үнэн үү? Хэрэв үнэн бол үүнийг ямар хөрөнгөөр авч өгсөн бэ?” гэсэн юм.
Ц.Даваацэрэн “Бид өнгөрсөн хугацаанд 1.Үйлдвэрлэлийн өөрийн өртгийг бууруулах 2. Инновцийг хөгжүүлэхэд анхаарсан. Үүний үр дүнд шахааны бизнесийг багасгаж, хэмнэлтийн бодлогоо эрчимжүүлсэн. Нийт хэмнэлтийн 10 хувийг Ерөнхий захирал захиран зарцуулах эрхтэй байдаг. Иймд зарим захиралд байр авч өгсөн нь үнэн".
Үүнийгээ ил тод зарлаж Авилгатай тэмцэх газар болон бусад холбогдох байгууллагад мэдэгдсэн” гэсэн юм. Эрдэнэтчүүдийн уулзалт нэг цаг гаран үргэлжилсэн байна.
А. САЯН
