Дорнод аймгийн Баяндун сумын Цагаан нуур, Хайрхан багийн нутагт орших Улаан хадны нууруудыг орон нутгийн тусгай хамгаалалтад авах саналыг орон нутгийн иргэд, Улз голын сав газрын захиргаанаас гаргажээ. Улз голын сав газарт олон улсад болон Монголд ховордсон Цэн тогоруу, Хошуу галуу, Азийн цууцаль, Зээрд шонхор зэрэг шувууд өндөглөн зусдаг тул зайлшгүй хамгаалалтад авах шаардлагатай гэж үзсэн бөгөөд орон нутгийн удирдлагууд ч тэдний саналыг дэмжинэ гэдгээ илэрхийлээд байгаа аж. Энэ асуудлыг удахгүй шийдэх юм байна.
А. САЯН