Ерөнхий сайд Ч.Сайханбилэг Сүхбаатар аймагт ажиллах үеэрээ Баруун-Урт суманд ашиглалтад орсон “Боловсрол” хорооллыг ипотекийн 5 хувийн зээлд хамруулах арга хэмжээ авахыг ХАХНХ-ын сайд С.Эрдэнэ, Сангийн сайд Б.Болор нарт даалгасан. “Боловсрол” Хороолол нь 64м2 талбайтай 236 амины орон сууцнаас бүрдэнэ. Хороололд 200 хүүхдийн дотуур байр ашиглалтад орсон бөгөөд цаашид Багшийн хөгжлийн төв, номын сан, музей барих юм байна. Мөн 960 хүүхдийн сургууль, 200 хүүхдийн цэцэрлэгийн барилгыг барих ажлын концесс зарлагджээ.
А. САЯН