P53 ТӨСЛИЙН ХҮРЭЭНД ГЕГ, ХӨСҮТ, МХЕГ,ЗӨСҮТ, ЗЭРЭГ ГАЗРУУДАД НЭГ УДААГИЙН ХАМГААЛАХ ХЭРЭГСЛИЙГ ГАРДУУЛАН ӨГЛӨӨ

2019-04-30

Байгаль орчин, аялал жуулчлалын яам, Биоаюулгүй байдлыг хангах үндэсний хороогоор дамжуулан “Төв Азийн орнуудад биоаюулгүй байдал, биоаюулгүй ажиллагааг хангах үндэсний эрх зүйн орчинг сайжруулах” бүсийн төслийг Европын Холбооны санхүүжилтээр 2017-2018 онд хэрэгжүүлсэн. 1,5 жилийн хугацаанд хэрэгжсэн төслийн дүгнэлт хуралдаан өнөөдөр /2019.04.30/ боллоо.

Уг төслийн үр дүнд Биологийн болон хорт зэвсгийг хориглох тухай 1972 оны конвенц, НҮБ-ын Аюулгүйн зөвлөлийн 1540 дүгээр тогтоолын шаардлагыг хэрэгжүүлэх Монгол Улсын үндэсний хуул эрх зүйн орчны судалгаа, Олон улсын эрүүл ахуй, ариун цэврийн дүрмийг хэрэгжүүлэх үндэсний түвшинд хэрэгжүүлсэн арга хэмжээний хууль эрх зүйн орчны судалгаа болон НҮБ-ын ХХААБ, ДЭМБ-ын хамтарсан Хүнсний Эрх Зүйн Комиссын стандарт, удирдамж, зөвлөмжүүдийг үндэсний түвшинд хэрэгжүүлсэн арга хэмжээний хууль эрх зүйн орчны судалгааны тайланг боловсруулсан.Энэ нь цаашид биоаюулгүй байдал, биохамгааллын үндэсний хууль эрх зүйн орчинг сайжруулахад үнэтэй хувь нэмэр үзүүлнэ гэдгийг Европын Холбооноос Монгол Улсад суугаа Элчин сайд Траян Лауренцю Христа болон Эрүүл мэндийн дэд сайд Л.Бямбасүрэн нар онцоллоо.

Биологийн аюулгүй байдал, биохамгааллын чиглэлээр чадавхийг бэхжүүлэх ажлын хүрээнд улсын хэмжээнд нийт кабинетийн 6, лабораторийн 2, мөн Англи Улсын Эрүүл мэндийн төвтэй хамтран олон улсын түвшний 2 сургалт зохион байгуулж, нийт 339 мэргэжилтнийг сургалтад хамруулсан нь үндэсний хэмжээнд чадавхижуулах ажил 1 алхамаар урагшилсан гэж үзэж байна.

Мөн төслийн хүрээнд нийлүүлэгдэж буй дараагийн лабораторийн тоног төхөөрөмж болон 1 удаагийн хамгаалах хэрэгсэлийг Гаалийн ерөнхий газар, Онцгой байдлын ерөнхий газар, Зэвсэгт хүчний жанжин штаб, Халдварт өвчин судлалын үндэсний төв, Зоонозын өвчин судлалын үндэсний төв, Улсын мал эмнэлэг ариун цэврийн төв лаборатори, зэрэг байгууллагуудад гардууллаа.

Түүнчлэн Төв Азийн орнуудад биоаюулгүй байдал, биоаюулгүй ажиллагааг хангах үндэсний эрх зүйн орчинг сайжруулах” төслийн үр дүнгийн хуралд БОАЖЯ-ны Төрийн нарийн бичгийн дарга Ц.Цэнгэл оролцлоо. Тэрбээр Биоаюулгүй байдлыг хангах үндэсний хороо нь Европын холбооны Хими, биологи, цацраг идэвхит болон цөмийн эрсдлийг бууруулах (CBRN CoE initiative) санаачлагатай хамтран “Төв Азийн орнуудад биоаюулгүй байдал, биоаюулгүй ажиллагааг хангах үндэсний эрхзүйн орчинг сайжруулах P53” бүсийн төслийг 2017 оны 9 сараас эхлэн 1,5 жилийн хугацаанд амжилттай хэрэгжүүлж дуусаад байна. Хүний нөөцийн болон лабораториудын чадавхийг бэхжүүлэх ажил нь биоаюулгүй байдлыг хангахад бидний өмнө тулгамдсан томоохон асуудлын нэг бөгөөд цаашид тогтвортойгоор сайжруулахад БОАЖЯ , БАБХҮХ анхаарч ажиллах болно хэмээн байр сууриа илэрхийллээ.

Мэдээ уншаад таалагдсан бол Like дарна уу. Танд баярлалаа

Сайт таалагдаж байвал Like дарна уу. Танд баярлалаа

Сэтгэгдэл

АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна

Төстэй мэдээ

"CHINA EASTERN" KОМПАНИ ”BOEING 737-800" ОНГОЦНЫ НИСЛЭГЭЭ СЭРГЭЭНЭ

А24:ТАЙЛАНДИЙН ПАТТАЙЯ ХОТ ЖУУЛЧДЫГ ТАТАХ ЗОРИЛГООР УРЛАГИЙН АРГА ХЭМЖЭЭ ЗОХИОН БАЙГУУЛДАГ

УУР АМЬСГАЛЫН ӨӨРЧЛӨЛТИЙН ЭСРЭГ ТЭМЦЭЛД ЗАСАГ ДАРГА НАРЫГ МАНЛАЙЛАН ОРОЛЦОХЫГ УРИАЛЛАА

ОЙН САЛБАРЫН ҮНДЭСНИЙ ЧУУЛГАНД 2000 ГАРУЙ ТӨЛӨӨЛӨЛ ОРОЛЦЛОО

Ш.БОЛДОД БАЙГАЛЬ ОРЧНЫ ГАВЬЯАТ АЖИЛТАН ЦОЛ ХҮРТЭЭВ

Н.УРТНАСАН: ТЭРБУМ МОД ТАРИНА ГЭДЭГ БОЛ ХООСОН АМЛАЛТ БИШ, БОДИТ ҮЙЛ ХЭРЭГ

“ХАШААНД АМЬДАРДАГ АЙЛУУД ЖОРЛОНГОО ТОЙРУУЛААД ГУРВАН ШИРХЭГ МОД ТАРЬЧИХАД Л “00” НЬ ДҮҮРЭХЭЭ БОЛИНО”

ХУШИН ОЙН ТУХАЙ

ХӨВСГӨЛ ДАЛАЙД ЖИВСЭН БҮХ МАШИНЫГ ГАРГАХААР БОЛЛОО

МОНГОЛЫН ОЙ МОДНЫ МЭРГЭЖЛИЙН ХОЛБООДЫН НЭГДЭЛ”-ИЙГ ЧУУЛГАНЫ ЭХНИЙ ӨДӨР БАЙГУУЛЛАА