“АЯЛАЛ ЖУУЛЧЛАЛЫН САЛБАРЫН ХҮНИЙ НӨӨЦИЙН ЧАДАВХЫГ БЭХЖҮҮЛЭХ ТӨСӨЛ”-ИЙН ГЭРЭЭНД ГАРЫН ҮСЭГ ЗУРЛАА

2019-06-10  

Байгаль орчин, аялал жуулчлалын яам, Бүгд Найрамдах Солонгос Улсын Аялал жуулчлалын байгууллага /КТО/-тай “Монгол Улсын аялал жуулчлалын салбарын хүний нөөцийн чадавхыг бэхжүүлэх төсөл”-ийн хэлэлцээрийг байгууллаа.

Байгаль орчин, аялал жуулчлалын яам Бүгд Найрамдах Солонгос Улсын Аялал жуулчлалын байгууллага /КТО/-тай хамтран “Монгол Улсын аялал жуулчлалын салбарын хүний нөөцийн чадавхыг бэхжүүлэх төсөл”-ийг 2019-2020 онуудад хэрэгжүүлнэ.

Энэхүү төслийн санхүүжилт нь 564 сая солонгос вон байх бөгөөд төслийн хүрээнд Монгол Улсын аялал жуулчлалын салбарын хүний нөөцийн чадавхыг бэхжүүлэх мастер төлөвлөгөө боловсруулах, тус мастер төлөвлөгөөнд үндэслэн сургалтын хөтөлбөр боловсруулах, боловсруулсан сургалтын хөтөлбөрийг хэрэгжүүлэх туршилтын сургалт зохион байгуулах зэрэг үйл ажиллагааг хэрэгжүүлэх юм.

Тус төслийг хэрэгжүүлснээр аялал жуулчлалын салбарын ажиллах хүчнийг (зочид буудлын ажилтан, хөтөч-тайлбарлагч болон бусад) бэлтгэх, мэргэжлийн боловсрол олгох олон улсын чанарын стандартад нийцсэн, шат дараалалтай систем бий болох юм. Улмаар Монгол Улсыг зорин ирэх гадаадын жуулчдад чанартай үйлчилгээг үзүүлж, жуулчдыг сэтгэл ханамжтай буцаахад нэг шат ахих юм.

Төслийн хүрээнд Бүгд Найрамдах Солонгос Улсын аялал жуулчлал, зочлохуйн үйлчилгээний салбарын мэргэжилтнүүд Монгол улсад томилогдон ажиллаж 2020-2025 онд 5 жилийн хугацаанд хэрэгжих салбарын хүний нөөцийн чадавхыг бэхжүүлэхэд чиглэсэн мастер төлөвлөгөө, сургалтын хөтөлбөрийг боловсруулах юм.

Энэхүү төсөл нь Монгол Улсын Засгийн газраас баталсан Аялал жуулчлалыг хөгжүүлэх үндэсний хөтөлбөрийн зорилтыг хангахад чухал ач холбогдолтой бөгөөд Монгол Улсын аялал жуулчлалын салбарын хөгжилд чухал хувь нэмэр оруулна гэж үзэж байна.

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
БУРУУ ТАЛДАА ЖОЛООНЫ ХҮРДТЭЙ МАШИНЫГ ХОРИГЛОХЫГ ТА ДЭМЖИХ ҮҮ ?