Сүхбаатар аймагт гарсан түймрийн улмаас нэг иргэн түлэгдэж эмнэлэгт хүргэгджээ. Дорнод аймгийн Хөлөнбуйр сумын нутагт гарсан хээрийн түймэр Сүхбаатар Сүхбаатар, Түмэнцогт, Мөнххаан сумдын нутаг дэвсгэрт орж ирсэн тухай ОБЕГ-аас мэдээлэл авлаа. Мөн тус аймгийн Онцгой байдлын газар “Хээрийн түймрийг унтраахаар Онцгой байдлын газрын 2, Сүхбаатар, Түмэнцогт сумдын нэг нэг групп ажиллан одоогоор цурманд оруулсан. Салхины хурд хүчтэй байгаа учраас цурманд удаан барина баталгаа алга байна. Түймрээс учирсан хохирол одоогоор тогтоогдоогүй. Гэхдээ Сүхбаатар сумын нутаг Хундарт гэх газар нутаглаж байсан нэг айлын гэр болон хотт хороо шатаж, нэг хүн түлэгдэлтийн байдалтай эмнэлэгт хүргэгдээд байгаа. Хаврын хуурайшилт эхэлсэн энэ үед хээрийн түймрээс урьдчилан сэргийлэхийг ард иргэдэд онцгойлон анхааруулж байна” гэж мэдээллээ.
Х.АЯЛГУУ