Увс аймгийн Тэс сумын нутагт орших Нарийний голын бетон гүүр өнгөрсөн бямба гарагт нуржээ. Одоогоор гүүр нурсан шалтгаан тодорхойгүй байгаа бөгөөд Тэс сумыг зорих автомашины хөдөлгөөн саатаад байгаа гэнэ.
Тус гүүрийг анх 2006 онд 1.8 тэрбум төгрөгөөр гүйцэтгэнэ хэмээн ажлыг эхлүүлж байсан ч төсөвт өртөг нэмэгдсээр 5.3 тэрбум төгрөгөөр барьж, 2012 онд хүлээлгэн өгсөн аж. Сум орон нутгийн удирдлагууд, нутгийн иргэд тухайн гүүрийг барьсан компанид мэдэгдэл хүргүүлээд байгаа ажээ. Гүүрийг Хятадын компани гүйцэтгэсэн байна.
А.САЯН