Ойрхи Дорнодыг заналхийлээд буй Иракийн хэт даврагч “Халифын вант улс” бүлэглэлийн хүчийг сулруулахын тулд Барак Обама Сири улс руу явган цэргээ илгээх тушаалд гарын үсэг зурсан талаар “www.telegraph.co.uk” мэдээлжээ.
Уг тушаалын дагуу Америкийн цэрэг Сири рүү илгээгдэх нь тодорхой боллоо. АНУ, Сирийн асуудалд анхаарлаа хандуулж эхэлсэн цагаасаа өнөөдрийг хүртэл явган цэргээ тус улс руу илгээгээгүй байсан. Эхний ээлжинд АНУ-ын Тусгай албаны 250 цэрэг Сирид очиж, хэт даврагчдын эсрэг тулалдах хэмээн эх сурвалжууд бичиж байна. Энэхүү шийдвэрээ Обама Их Британи дахь төрийн айлчлалаа дуусгаад Германд ирэх үедээ дээрх шийдвэрийг гаргасан байна.
Тэрбээр Германы Канцлер Ангила Меркелтэй уулзах үедээ өөрийнхөө төлөвлөгөөг танилцуулсан байна. Канцлер, Обамагийн шийдвэрийг “Зөв цагт гаргасан зөв шийдвэр” гэж мэдэгдсэн тухай Германы “BILD” сонин бичжээ. Британийн эрх баригчид мөн Обамагийн шийдвэрийг дэмжсэн бөгөөд энэхүү ажиллагаанд Британийн тусгай хүчинг оролцуулах саналтай буйгаа Ерөнхий сайд Дэвид Камерон мэдэгдсэн байна.
Х. АЯЛГУУ
