Ерөнхий прокурорын тушаалаар байгуулагдсан ажлын хэсэг өнөөдрөөс 5 дугаар сарын 14-ны өдөр хүртэл Архангай, Завхан, Говь-Алтай, Хөвсгөл аймгийн прокурорын газарт шалгалт хийхээр болжээ. Шалгалтын хүрээнд Прокурорын байгууллагын тухай хууль болон эрүүгийн хууль тогтоомжийг хэрэгжүүлэхээр гаргасан тушаал, албан даалгавар, заавар, журмын хэрэгжилтийн байдалтай танилцах юм байна. Мөн прокуророос хуулиар хүлээсэн чиг үүргээ хэрэгжүүлэхэд учирч буй хүндрэл бэрхшээл, хяналтын ажилд гаргаж буй алдаа зөрчил, дутагдал, түүнд нөлөөлж буй шалтгаан нөхцөлийг судалж тогтоох гэнэ.
А.САЯН
