Хөвсгөл аймгийн ИТХ-ын тэргүүлэгчдийн санаачилсан "Нэг мянгат-нэг агт" аяны нээлт боллоо. Монгол улс 8000 гаруй км хилийн зурвастай. Хөвсгөл аймгийн нутагт хамаарах 1000 гаруй км урт хилийг Монгол улсын баатар Л.Даваадоржийн нэрэмжит хилийн 0257-р анги хариуцан ажилладаг. Өндөр уул, хад асга, шавар намаг бүхий байгалийн бартаа саад ихтэй учир хилчид мориос өөр техник хэрэгсэл ашиглах боломжгүй. Тиймээс аймгийн 400 гаруй мянгат малчин тус бүр нэг агтыг хил хамгаалах үйлсэд зориулж хандивлахаар болжээ. Ингэснээр хилчдийн унааны асуудлыг бүрэн шийдэх боломжтой гэж үзэж байгаа юм.
А. САЯН