Дэлхийн зах зээл дээр үнэ ханш нь огцом буурч байсан газрын тосны үнэ ханш хурдацтай сэргэж байна. Өнгөрсөн сард OPEC+ Орнуудын Эрчим хүчний сайд нарын зөвшилцсөний дагуу газрын тос олборлогч улс орнууд тавдугаар сарын 1-ний өдрөөс эхлэн газрын тосны олборлолтоо бууруулсан. Мөн Хятад улс, Европын хэд хэдэн улс орнуудад хөл хорионы дэглэмээ аажмаар сулруулж эхэлсэн нь газрын тосны эрэлтийг нэмэгдүүлж байна. ОХУ-ын Уралс төрлийн газрын тосны үнэ 14 хоногийн өмнө $17.50-д хүрч буурч байсан бол өнөөдөр $27.70 ам долларт хүрч өслѳѳ. Брент төрлийн газрын тосны үнэ ханш мөн сэргэж өнөөдөр $30.00 ам доллараас дээш үнээр арилжаалагдаж эхлэв. Цаашид газрын тосны үнэ ханш тогтвортой өсөхгүй ч, савалгаатай байх магадлалтай. 2020 оны эцэст $45.00-$50.00 ам долларт хүрч хэсэг хугацаанд тогтворжих тѳлѳв харагдана. Энэ янзаараа үргэлжилбэл, Монгол улсад түлш шатахууныг одоогийн жижиглэнгийн үнээс дахин буулгах боломжгүй төлөвтэй боллоо.
Ийнхүү үнэгүйдэж, борлуулалт нь зогссон байсан шатахууны үнэ дахин ѳсѳж эхэллээ.
