Улаанбаатар /МОНЦАМЭ/. ХӨСҮТ-ийн хоёр, ЗӨСҮТ болон Дархан-Уул аймгийн салбар лабораторид өчигдөр нийт 403 хүнд коронавирусний шинжилгээ хийжээ. ХӨСҮТ-д тусгаарлагдсан 48 хүний шинжилгээнээс нэг хүнд коронавирусний халдвар илэрчээ. Ингэснээр манай улсад "COVID-19"-ийн халдвартай нь батлагдсан хүний тоо 141 болж байна.
ХӨСҮТ-ийн ерөнхий захирал Д.Нямхүүгийн мэдээлснээр халдвартай иргэн тус төвд тусгаарлагдаж байгаа цэргийн сургуулийн оюутан юм. Энэ сарын 13-нд ОХУ-аас ирсэн нийт 57 оюутан ийнхүү коронавирусээр халдварлаад байна.
ХӨСҮТ-ээс өнөөдөр хоёр хүн эдгэрч, дараагийн шатны хяналтад шилжиж байна. Тэд 30-40 хоног эмчлүүлжээ.
Манай улсад коронавирусний зөөвөрлөгдсөн нийт 41 тохиолдлоос 28 хүн эдгэрч, "COVID19" халдвараар 113 хүн эмчлүүлж байна.
ЭХ СУРВАЛЖ: https://www.montsame.mn/mn/read/226342