Улсын хэмжээнд тарваган тахлын эсрэг дархлаажуулалтыг 7 дугаар сарын 18-наас 28-ны хооронд зохион байгуулна. Дархлаажуулалтад тарваган тахлын голомтот нутгийн хүн ам, малчид, зорчигчид, эрүүл мэндийн байгууллага, онцгой байдал, мэргэжлийн хяналт, хууль сахиулах байгууллагын ажилтнууд хамрагдах шаардлагатай. Вакциныг 6-н наснаас дээш насныханд тарих заалттай. Тиймээс дээрх хугацаанд харьяа эрүүл мэндийн байгууллагуудад очиж вакциндаа хамрагдахыг зөвлөж байна.
